មន្ទីរសុខាភិបាលខេត្តបាត់ដំបងបន្តពង្រឹងសមត្ថភាពមន្ត្រីសុខាភិបាល ក្នុងការបង្ការ រកឃើញឆាប់ និងគ្រប់គ្រងជំងឺឡើងសម្ពាធឈាម និងជំងឺទឹកនោមផ្អែម
បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានបើកវគ្គបណ្តុះបណ្តាលស្តីពី«ជំងឺឡើងសម្ពាធឈាម និងជំងឺទឹកនោមផ្អែម» នៅសាលប្រជុំបណ្តុះបណ្តាលបន្តនៃមន្ទីរសុខាភិបាលខេត្តបាត់ដំបង កាលពី ថ្ងៃទី៣១ ខែតុលា ឆ្នាំ២០២៦ ។ កិច្ចនេះបានដំណើរការទៅ ក្រោមវត្តមានចូលរួមពី ឯកឧត្តមវេជ្ជបណ្ឌិត ង៉ូវ កាង រដ្ឋលេខាធិការក្រសួងសុខាភិបាល និងជាតំណាងសមាគមជំងឺទឹកនោមផ្អែម ឯកឧត្តម ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង រដ្ឋបាលស្រុកសង្កែ ស្រុករតនមណ្ឌល ព្រមទាំងថ្នាក់ដឹកនាំមូលដ្ឋាន គ្រូឧទ្ទេស មន្ត្រីសុខាភិបាល និងអ្នកពាក់ព័ន្ធជាច្រើនទៀត ។
