បាត់ដំបង ៖ មន្ត្រីផ្នែកសុវត្ថិភាពចំណីអាហារនៃការិយាល័យនិយ័តកម្មសុខាភិបាល មន្ទីរសុខាភិបាលនៃរដ្ឋបាលខេត្តបាត់ដំបង បានបន្តចុះត្រួតពិនិត្យ ណែនាំ និងផ្សព្វផ្សាយអំពីអនាម័យ និងសុវត្ថិភាពចំណីអាហារ នៅតាមអាហារដ្ឋាន និងភោជនីយដ្ឋានក្នុងក្រុងបាត់ដំបង ចាប់ថ្ងៃទី២៦-២៨ ខែតុលា ឆ្នាំ២០២៦ ។

បាត់ដំបង ៖ ថ្នាក់ដឹកនាំមន្ទីរសុខាភិបាលនៃរដ្ឋបាលខេត្តបាត់ដំបង បានចូលរួម កិច្ចប្រជុំលើកទី៤ នៃគណៈកម្មាធិការត្រួតពិនិត្យផលិតផលថ្នាំជក់ ដែលរៀបចំឡើងនាថ្ងៃទី២៨ ខែតុលា ឆ្នាំ២០២៦ នៅសណ្ឋាគារ Raffles Hotel Le Royal រាជធានីភ្នំពេញ ដើម្បីពិនិត្យវឌ្ឍនភាពការងារ បញ្ហាប្រឈម និងទិសដៅអាទិភាពនៃការត្រួតពិនិត្យផលិតផលថ្នាំជក់នៅកម្ពុជា ។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំបើកវគ្គបណ្តុះបណ្តាលស្តីពី ការលើកកម្ពស់ចំណេះដឹងអំពីបច្ចេកវិទ្យា Wolbachia និងតួនាទីរបស់សហគមន៍ ក្នុងការបង្ការ និងទប់ស្កាត់ជំងឺគ្រុនឈាម មានរយៈពេល២ថ្ងៃ ចាប់ពីថ្ងៃទី២៧ ដល់ថ្ងៃទី២៨ ខែតុលា ឆ្នាំ២០២៦ នៅសណ្ឋាគារខេមរាបាត់ដំបង​១ ខេត្តបាត់ដំបង ។​

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំវគ្គបណ្តុះបណ្តាលបន្តស្តីពី «ការជូនដំណឹងកំណើតរស់ និងមរណភាព តាមប្រព័ន្ធ NCOD» ដោយមានការគាំទ្រផ្នែកបច្ចេកទេសពីក្រសួងសុខាភិបាល និងអង្គការ Vital Strategies កាលពីថ្ងៃទី២៣ ខែតុលា ឆ្នាំ​២០២៦ ។​

បាត់ដំបង ៖ ក្នុងឱកាសអបអរសាទរទិវាសុខភាពភ្នែកពិភពលោក ឆ្នាំ២០២៦ កម្មវិធីពិនិត្យសុខភាពភ្នែក និងចែកវ៉ែនតាជូនប្រជាពលរដ្ឋ ត្រូវបានរៀបចំឡើងនៅមណ្ឌលសុខភាពព្រៃត្រឡាច ស្រុកប្រតិបត្តិមោងឫស្សី ខេត្តបាត់ដំបង បានធ្វើឡើងកាលពីថ្ងៃទី២៤ ខែតុលា ឆ្នាំ២០២៦ ។

ខេត្តបាត់ដំបង៖ មន្ទីរពេទ្យបង្អែកស្រុកឯកភ្នំ ខេត្តបាត់ដំបង ដែលជាគ្រឹះស្ថានសុខាភិបាលសាធារណៈនៅមូលដ្ឋាន បាននិងកំពុងបន្តផ្តល់សេវាពិនិត្យ ពិគ្រោះ និងព្យាបាលជំងឺជូនប្រជាពលរដ្ឋ ដើម្បីឆ្លើយតបនឹងតម្រូវការសុខភាព និងរួមចំណែកលើកកម្ពស់សុខុមាលភាពប្រជាពលរដ្ឋក្នុងតំបន់។