ព័ត៌មានក្នុងខេត្ត

ដើម្បីឱ្យប្រជាពលរដ្ឋទទួលបានទឹកស្អាតប្រើប្រាស់ប្រកបដោយទំនុកចិត្ត និងកាត់បន្ថយវិវាទរវាងអ្នកផ្តល់សេវា និងអ្នកប្រើប្រាស់ នៅថ្ងៃទី១៣ ខែវិច្ឆិកា ឆ្នាំ២០២៦ នេះ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបើកសិក្ខាសាលាផ្សព្វផ្សាយ «ច្បាប់ស្តីពីការគ្រប់គ្រងទឹកស្អាត» យ៉ាងផុលផុសនៅខេត្តកោះកុង។ ពិធីនេះប្រព្រឹត្តទៅក្រោមអធិបតីភាព ឯកឧត្តម អ៊ុំ សុថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង លោក ឡៅ ប៊ុនខេង អភិបាលរងខេត្តកោះកុង ដោយមានការចូលរួមពីអាជ្ញាធរមូលដ្ឋាន មន្ទីរជំនាញ ប្រតិបត្តិករផ្គត់ផ្គង់ទឹកស្អាត និងក្រុមហ៊ុនសាងសង់ជាច្រើនរូប។

ព្រឹកថ្ងៃទី០៩ ខែវិច្ឆិកា ឆ្នាំ២០២៦ នេះ រដ្ឋបាលខេត្តកោះកុងបានរៀបចំពិធីអបអរសាទរខួបលើកទី៧៣ នៃទិវាបុណ្យឯករាជ្យជាតិ (៩ វិច្ឆិកា ១៩៥៣ - ៩ វិច្ឆិកា ២០២៦) យ៉ាងមហោឡារិក ក្រោមអធិបតីភាព ឯកឧត្តម ថុង ណារុង ប្រធានក្រុមប្រឹក្សាខេត្ត និងលោកជំទាវ ឈី វ៉ា អភិបាលនៃគណៈអភិបាលខេត្តកោះកុង ដោយមានការអញ្ជើញចូលរួមពីសំណាក់ថ្នាក់ដឹកនាំមន្ទីរ-អង្គភាពជុំវិញខេត្ត កងម្លាំងប្រដាប់អាវុធទាំងបី និងបងប្អូនប្រជាពលរដ្ឋយ៉ាងច្រើនកុះករ។

ក្រសួងបរិស្ថាន ស្ថានទូតសិង្ហបុរីប្រចាំនៅកម្ពុជា និងក្រុមហ៊ុន Climate Plus បានធ្វើដំណើរចុះទស្សនកិច្ចពិនិត្យមើលតំបន់រ៉ាមសាមកោះកាពិ ក្រោយកំពុងអនុវត្តកម្មវិធីអភិរក្សកាបូនខៀវដែលផ្តោតលើកិច្ចការអភិរក្សការពារ វិនិយោគ និងការអភិវឌ្ឍន៍ក្នុងមូលដ្ឋាន។

ព្រឹកថ្ងៃទី ០៦ ខែវិច្ឆិកា ឆ្នាំ២០២៦ រដ្ឋបាលខេត្តកោះកុង សហការជាមួយអង្គការសង្គ្រោះកុមារ (Save the Children) និងអង្គការ iDE ព្រមទាំងមន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំពិធីបើក «វេទិកាភ្ជាប់បណ្តាញអាជីវកម្មបន្លែក្នុងខេត្តកោះកុង» ក្រោមឆ័ត្រនៃគម្រោង បង្កើនកាលានុវត្តភាពសម្រាប់អភិវឌ្ឍវិស័យសាកវប្បកម្មនៅកម្ពុជា (GROWTH)។ ពិធីនេះបានប្រព្រឹត្តទៅក្រោមអធិបតីភាព លោក ហេង គីមឆន នាយករងរដ្ឋបាលសាលាខេត្តកោះកុង លោក រស់ ចន្ទបូរឹទ្ធិ តំណាងអង្គការសង្គ្រោះកុមារប្រចាំប្រទេសកម្ពុជា និង លោក មុត សុខា អភិបាលរងនៃគណៈអភិបាលក្រុងខេមរភូមិន្ទ ព្រមទាំងមានការចូលរួមពីតំណាងមន្ទីរ-អង្គភាពជំនាញ កសិករ អាជីវករ និងវិស័យឯកជនជាច្រើនរូប។

រដ្ឋបាលខេត្តកោះកុង បានរៀបចំកិច្ចប្រជុំផ្សព្វផ្សាយលិខិតបទដ្ឋានគតិយុត្តពាក់ព័ន្ធ និងចាប់ផ្តើមដំណើរការធ្វើតេស្តរហ័សស្វែងរកសារធាតុញៀនតាមទឹកមូត្រ ជូនដល់ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យា មកពីតាមបណ្តាមន្ទីរ-អង្គភាព រដ្ឋបាលក្រុង-ស្រុក និងសាខាជុំវិញខេត្ត ប្រកបដោយភាពម៉ឺងម៉ាត់ រយៈពេល ២ថ្ងៃ ចាប់ពីថ្ងៃទី០៥ ដល់ថ្ងៃទី០៦ ខែវិច្ឆិកា ឆ្នាំ២០២៦ ក្រោមអធិបតីភាព លោក ហាក់ ឡេង អភិបាលរង នៃគណៈអភិបាលខេត្តកោះកុង។

កោះកុង៖ នាថ្ងៃទី៤ ខែវិច្ឆិកា ឆ្នាំ២០២៦ នេះ រដ្ឋបាលខេត្តកោះកុង បានរៀបចំកិច្ចប្រជុំត្រួតពិនិត្យវឌ្ឍនភាពនៃការអនុវត្តផែនការលេខ ០០៣ ផ.ក របស់ក្រសួងមហាផ្ទៃ ព្រមទាំងពិភាក្សាលើការលើកទិសដៅអនុវត្តបន្ត ក្នុងគោលបំណងបង្កើនប្រសិទ្ធភាពការងារ និងពង្រឹងសន្តិសុខ សណ្តាប់ធ្នាប់សាធារណៈឱ្យកាន់តែមានភាពរឹងមាំ។

លោកជំទាវ ឈី វ៉ា អភិបាលខេត្តកោះកុងជូនដំណើរយុវជន៩០នាក់ទៅបំពេញកាតព្វកិច្ចយោធា

សេចក្ដី​ជូន​ដំណឹង​

មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកោះកុង នៅថ្ងៃទី ៣ ខែវិច្ឆិកា ឆ្នាំ២០២៦ បើកសន្និបាតបូកសរុបលទ្ធផលការងារឆ្នាំ២០២៦ និងលើកទិសដៅការងារបន្តឆ្នាំ២០២៧ នៅសាលមហោស្រព។

មន្ទីរសុខាភិបាលខេត្តកោះកុង បានសហការជាមួយមន្ទីរសុខាភិបាលខេត្តព្រះសីហនុ ក៏ដូចជាកម្មវិធីជាតិសុខភាពភ្នែកនៃក្រសួងសុខាភិបាល រៀបចំកម្មវិធីពិនិត្យព្យាបាល វះកាត់ជំងឺបាយភ្នែក និងជំងឺភ្នែកផ្សេងៗ ជូនដល់ប្រជាពលរដ្ឋក្នុងភូមិសាស្ត្រស្រុកស្រែអំបិល ដោយឥតគិតថ្លៃ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានគូសបញ្ជាក់ថា រាជរដ្ឋាភិបាលនឹងគ្រប់គ្រងការចំណាយលើការគ្រប់គ្រងផ្តល់អាហារូបត្ថម្ភដែលសិស្សជាង២០០សាលារៀននៅពេលអង្គការអាហារសុខភាពពិភពលោកឈប់ផ្តល់ជំនួយនៅពេលខាងមុខនេះ។

“ស្នាមញញឹមខ្មែរ” គឺជាចំណងជើងសៀវភៅមួយក្បាលដ៏ថ្មីស្រឡាងបានដាក់ចេញផ្សាយក្នុងអំឡុងពេលកម្ពុជា ធ្វើម្ចាស់ផ្ទះរៀបចំកិច្ចប្រជុំហ្វ្រង់កូហ្វូនីលើកទី២០ ខាងមុខ ហើយសៀវភៅមួយក្បាលនេះដែរក៏ជា មគ្គុទេសក៍ជាពីរភាសា គឺបារាំង-ខ្មែរ ស្តីពីប្រទេសកម្ពុជា បានរំលេចអំពីអត្តសញ្ញាណជាតិខ្មែរឱ្យលេចត្រដែតលើឆាកអន្តរជាតិ។