News from the Provinces

បាត់ដំបង៖ កាលពីថ្ងៃទី២៧ ខែតុលា ឆ្នាំ២០២៦ រដ្ឋបាលស្រុករតនមណ្ឌល ដឹកនាំដោយលោក នូវ ឫទ្ធី អភិបាលរងនៃគណៈអភិបាលស្រុករតនមណ្ឌល រួមជាមួយមន្ត្រីពាក់ព័ន្ធ បានអញ្ជើញចូលរួមពិនិត្យសម្ភារៈ និងស្វែងយល់អំពីវិធីសាស្ត្រប្រើប្រាស់ឧបករណ៍បច្ចេកវិទ្យាទំនើប ដែលត្រូវបានបំពាក់សម្រាប់បម្រើដល់ការសិក្សារបស់សិស្សានុសិស្ស ក្នុងពិធីប្រគល់ និងទទួលជាផ្លូវការបន្ទប់រៀនឆ្លាតវៃ (Smart Classroom) ជូនដល់គណៈគ្រប់គ្រងវិទ្យាល័យ ហ៊ុន សែន ត្រែង។

បាត់ដំបង៖ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោកជំទាវ ព្រមទាំងមាតាបិតា ក្រុមគ្រួសារ មន្ត្រីរាជការ កងកម្លាំងប្រដាប់អាវុធ និងពុទ្ធបរិស័ទជាច្រើនរូប បានមូលមតិគ្នាជាឯកច្ឆន្ទផ្ដួចផ្ដើមរៀបចំពិធីបុណ្យកឋិនទានសាមគ្គី ដង្ហែអង្គកឋិនទៅវេរប្រគេនព្រះសង្ឃដែលគង់ចាំព្រះវស្សាអស់ត្រីមាស ក្នុងពុទ្ធសីមាវត្តពោធិវាល ស្ថិតក្នុងក្រុងបាត់ដំបង ខេត្តបាត់ដំបង។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង អញ្ជើញជួបពិភាក្សាការងារជាមួយឯកឧត្តម សេនេន ធី. ម៉ាងកាលីឡេ (Senen T. Mangalile) ឯកអគ្គរដ្ឋទូតនៃសាធារណរដ្ឋហ្វីលីពីនប្រចាំព្រះរាជាណាចក្រកម្ពុជាដើ​ម្បីពង្រឹងកិច្ចសហប្រតិបត្តិការរវាងស្ថានទូតហ្វីលីពីននិងរដ្ឋបាលខេត្តបាត់ដំបង។

បាត់ដំបង៖ កម្លាំងជំនាញកងរាជអាវុធហត្ថខេត្តបាត់ដំបង បានបញ្ជូនមេខ្យល់ម្នាក់ ឈ្មោះ ផល ម៉ាន់ ភេទប្រុស អាយុ ៤២ឆ្នាំ មានទីលំនៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង ទៅសាលាដំបូងខេត្តបាត់ដំបង ដើម្បីចាត់ការតាមផ្លូវច្បាប់ នាល្ងាចថ្ងៃទី២៦ ខែតុលា ឆ្នាំ២០២៦ ពាក់ព័ន្ធនឹងករណីដឹកជញ្ជូនពលករចំនួន ១១នាក់ បម្រុងឆ្លងដែនខុសច្បាប់ចូលទៅប្រទេសថៃ។

បាត់ដំបង៖ នាយកដ្ឋានកិច្ចការប៉ុស្តិ៍នគរបាលរដ្ឋបាល បានសហការជាមួយស្នងការដ្ឋាននគរបាលខេត្តបាត់ដំបង រៀបចំពិធីបើកវគ្គបំប៉នជំនាញរយៈពេលខ្លី ស្តីពី «តួនាទី និងភារកិច្ចរបស់ប៉ុស្តិ៍នគរបាលរដ្ឋបាលឃុំ-សង្កាត់» នាព្រឹកថ្ងៃទី២៦ ខែតុលា ឆ្នាំ២០២៦ នៅសាលប្រជុំអគារ A នៃស្នងការដ្ឋាននគរបាលខេត្តបាត់ដំបង។

បាត់ដំបង៖ ក្រសួងព័ត៌មាន បានរៀបចំសិក្ខាសាលាផ្សព្វផ្សាយអំពីវឌ្ឍនភាពការងារកែទម្រង់វិមជ្ឈការ និងវិសហមជ្ឈការ ក្នុងក្របខណ្ឌក្រសួងព័ត៌មាន និងពិនិត្យឡើងវិញនូវមុខងារដែលបានធ្វើប្រតិភូកម្មទៅមន្ទីរព័ត៌មាន និងរដ្ឋបាលថ្នាក់ក្រោមជាតិ ដែលបានប្រារព្ធធ្វើឡើងនៅខេត្តបាត់ដំបង រយះពេល២ថ្ងៃ ថ្ងៃទី២២-២៣ ខែតុលា ឆ្នាំ២០២៦ ក្រោមអធិបតីភាព ឯកឧត្តម រស់ ថាន់សន រដ្ឋលេខាធិការនិងជាអនុប្រធានប្រចាំការគណៈកម្មការកំណែទម្រង់វិមជ្ឈការ និងវិសហមជ្ឈការនៃក្រសួងព័ត៌មាន ដោយមានការអញ្ជើញចូលរួមពី លោក ហេងវណ្ណនី អភិបាលរងខេត្ត និងជាតំណាងឯកឧត្តមអភិបាលនៃគណអភិបាលខេត្តបាត់ដំបង ថ្នាក់ដឹកនាំ មន្ត្រីរាជការ តំណាងមន្ទីរព័ត៌មានរាជធានី-ខេត្ត និងតំណាងរដ្ឋបាលថ្នាក់ក្រោមជាតិ។

ស្រុករតនមណ្ឌល៖ រដ្ឋបាលស្រុករតនមណ្ឌល ខេត្តបាត់ដំបង បានរៀបចំប្រារព្ធទិវាសម្អាតអនាម័យបរិស្ថាន ក្រោមប្រធានបទ «សហគមន៍ស្អាត ដោយគ្មានសំណល់ប្លាស្ទិក» ដោយមានការចូលរួមពីមន្ត្រីរាជការ អាជ្ញាធរមូលដ្ឋាន និងប្រជាពលរដ្ឋក្នុងមូលដ្ឋាននាព្រឹកថ្ងៃទី២៣ ខែតុលា ឆ្នាំ២០២៦។

ស្រុកឯកភ្នំ៖ រដ្ឋបាលស្រុកឯកភ្នំ ខេត្តបាត់ដំបង បានរៀបចំយុទ្ធនាការសម្អាតអនាម័យ និងបរិស្ថានក្នុងភូមិសាស្ត្រស្រុកឯកភ្នំ ក្រោមអធិបតីភាព លោក ប៊ី សុភាព អភិបាលនៃគណៈអភិបាលស្រុកឯកភ្នំ នាព្រឹកថ្ងៃសុក្រ ទី២៣ ខែតុលា ឆ្នាំ២០២៦ ។

ខេត្តបាត់ដំបង៖ វគ្គបណ្តុះបណ្តាលស្តីពី «ការចិញ្ចឹមកូនបែបវិជ្ជមាន អាហារូបត្ថម្ភ និងការលើកកម្ពស់ស្ត្រី» ត្រូវបានរៀបចំពិធីបើកជាផ្លូវការ នាព្រឹកថ្ងៃទី២២ ខែតុលា ឆ្នាំ២០២៦ នៅសាលប្រជុំមន្ទីរកិច្ចការនារីខេត្តបាត់ដំបង ក្រោមអធិបតីភាព លោកស្រី អ៊ាន ណារៀង ប្រធានមន្ទីរកិច្ចការនារីខេត្តបាត់ដំបង។

បាត់ដំបង៖ឯកឧត្តម ប៉ាវ ហមផាន រដ្ឋលេខាធិការក្រសួងមហាផ្ទៃ និងជាប្រធានក្រុមការងារទទួលបន្ទុករួម បានអញ្ជើញជាអធិបតីក្នុងកិច្ចប្រជុំស្ដីពីការងារដឹកនាំគាំទ្រ តាមដាន និងជំរុញការផ្ដល់អត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀតជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទើបវិលត្រឡប់ពីប្រទេសថៃក្នុងភូមិសាស្រ្តខេត្តបាត់ដំបង។

ខេត្តបាត់ដំបង៖ ក្រោមការយកចិត្តទុកដាក់ខ្ពស់លើការគ្រប់គ្រងធនធានរ៉ែ និងការការពារបរិស្ថានតាមដងផ្លូវសាធារណៈ លោក លឹម ប៊ុនលី ប្រធានមន្ទីររ៉ែ និងថាមពលខេត្តបាត់ដំបង បានអះអាងថា មន្ទីរបានសហការយ៉ាងជិតស្និទ្ធជាមួយអាជ្ញាធរមូលដ្ឋាន ចុះត្រួតពិនិត្យដោយផ្ទាល់លើទីតាំងអាជីវកម្មអាចម៍ដី-រណ្តៅដីចល័តមួយកន្លែង ស្ថិតនៅភូមិស្តៅ ឃុំស្តៅ ស្រុករតនមណ្ឌល ខេត្តបាត់ដំបង កាលពីថ្ងៃទី២១ ខែតុលា ឆ្នាំ២០២៦ កន្លងទៅ។

សម្ដេចព្រះមហាអរិយវង្ស បណ្ឌិត យ៉ន សេងយៀត ព្រះអនុប្រធានលេខាធិការដ្ឋាន គណៈសង្ឃនាយក នៃព្រះរាជាណាចក្រកម្ពុជា និងជាតំណាងដ៏ខ្ពង់ខ្ពស់របស់សម្ដេចព្រះមហាសុមេធាធិបតី អំ លឹមហេង សម្ដេចព្រះសង្ឃនាយក នៃព្រះរាជាណាចក្រកម្ពុជា បាននិមន្តជាព្រះអធិបតីដ៏ខ្ពង់ខ្ពស់ក្នុងពិធីបុណ្យស្រោចស្រពសុគន្ធវារី ប្រគេនព្រះពុទ្ធរស្មី យឿម រដ្ឋសភា ព្រះរាជាគណៈកិត្តិយស និងជាព្រះអនុគណក្រុងបាត់ដំបង ព្រមទាំងព្រះអនុគណចំនួន ៥ ព្រះអង្គទៀត នៃក្រុងបាត់ដំបងដែលបានប្រព្រឹត្តទៅនៅថ្ងៃពុធ ១០ កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែតុលា ឆ្នាំ២០២៦ កន្លងទៅនេះ។