លោក ភោគ សាវុធ អភិបាល នៃគណៈអភិបាលស្រុក និងជាប្រធានគណៈកម្មាធិការអតីតយុទ្ធជនស្រុកកងមាស និងលោកអនុប្រធានគណៈកម្មាធិការ អ.ន.ក ស្រុក លោកប្រធាន អនុប្រធានសាខា អ.ន.ក ឃុំពាក់ព័ន្ធ កាលពីថ្ងៃទី២៣ ខែមិថុនា ឆ្នាំ២០២៦ កន្លងទៅនេះ បានអញ្ជើញចុះសួរសុខទុក្ខសមាជិក អតីតយុទ្ធជន និងនិវត្តជន ចំនួន ០៥គ្រួសារ ដែលមានជីវភាពក្រលំបាក និងជំងឺប្រចាំកាយ។
មន្រ្តីនគរបារលស្រុកបូទុមសាគរ នៅថ្ងៃទី៣០ ខែតុលា ឆ្នាំ២០២៦ បានចុះអប់រំផ្សព្វផ្សាយច្បាប់ចរាចរណ៍ផ្លូវគោកនៅកំណាត់ផ្លូវជាតិលេខ៤៨ជូនប្រជាពលរដ្ឋ និងអ្នកដំណើរ។
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបសំណេះសំណាល និងចែកពូជស្រូវ ព្រមទាំងកញ្ចប់ស្បៀងជូនប្រជាពលរដ្ឋដែលរងគ្រោះដោយទឹកជំនន់ ចំនួន ១០.៧០០ គ្រួសារ ក្នុងខេត្តបាត់ដំបង នាព្រឹកថ្ងៃសុក្រ ទី៣០ ខែតុលា ឆ្នាំ២០២៦។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសនៃការជួបសំណេះសំណាល ចែកពូជស្រូវ និងស្បៀងជូនប្រជាពលរដ្ឋ ដែលរងផលប៉ះពាល់ដោយសារទឹកជំនន់ទឹកភ្លៀងក្នុងខេត្តបាត់ដំបង ព្រឹកថ្ងៃទី៣០ ខែតុលា ឆ្នាំ២០២៦ មានប្រសាសន៍ថា ឆ្នាំនេះយើងមានបញ្ហាពីរទាក់ទងទៅនឹងទឹកជំនន់នោះគឺទឹកភ្លៀង និងទឹកទន្លេឡើងពេលជាមួយគ្នា ដែលធ្វើឱ្យប៉ះពាល់ទៅដល់ ៧ខេត្ត/ក្រុង ក្នុងនោះមានពលរដ្ឋប្រមាណជា ១២ម៉ឺនគ្រួសារបានទទួលរងផលប៉ះពាល់ ហើយក្នុងចំណោម១២ម៉ឺនគ្រួសារនេះមាននៅខេត្តបាត់ដំបងមានជាង ៦ម៉ឺនគ្រួសារ ។
លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស និងលោកជំទាវ ឈីវ៉ា អភិបាលនៃគណៈអភិបាលខេត្តកោះកុង រសៀលថ្ងៃទី៣០ ខែតុលា ឆ្នាំ២០២៦បានបើកកិច្ចប្រជុំស្តីពីការគ្រប់គ្រងលំហូរឆ្លងកាត់ព្រំដែនខុសច្បាប់របស់ពលរដ្ឋខ្មែរ និងជនបរទេស។
