លោកជំទាវ ឈី វ៉ា អភិបាលខេត្តកោះកុង លោកអភិបាលរងខេត្ត និងមន្រ្តីពាក់ព័ន្ធ ព្រឹកថ្ងៃទី៧ ខែតុលា ឆ្នាំ២០២៦នេះ បានអញ្ជើញទៅត្រួតពិនិត្យ និងចុះឈ្មោះបោះឆ្នោតថ្មីនៅសាលាសង្កាត់ស្មាច់មានជ័យ ក្រុងខេមរភូមិន្ទ។

កម្លាំងស្នងការដ្ឋានខេត្ត និងអធិការដ្ឋាននគរបាលក្រុងខេមរភូមិន្ទនៅថ្ងៃទី៥ ខែតុលា ឆ្នាំ២០២៦ វេលាម៉ោង៨:៣០នាទី បានចុះណែនាំជាថ្មីទៀតចំពោះបទល្មើសល្បែងសុីសងខុសច្បាប់និងហាមមិនអោយមានល្បែងភ្នាល់អនឡាញគ្រប់ប្រភេទ។

មន្រ្តីអាវុធហត្ថ និងយុវជន យុវនារី ប្រគល់ ទទួលពាក្យសុំចូលបំពេញកាតព្វកិច្ចយោធាគិតចាប់ពីថ្ងៃទី១ ដល់ថ្ងៃទី៥ ខែតុលា ឆ្នាំ២០២៥។

លោកជំទាវអភិបាលខេត្តកោះកុង សួរសុខទុក្ខ និងផ្តល់អំណោយជូនក្រុមគ្រួសារសពលោក អ៊ូច ម៉ុន ជាសមាជិក អ.ន.ក.មានទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដែលបានទទួលមរណៈភាព កាលពីថ្ងៃទី១៣ ខែកញ្ញា ឆ្នាំ២០២៦ ដោយរោគាពាធ។

ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូន ឧត្តមសេនីយ៍ត្រី ANTERO S. NARCISE PN (M) អនុប្រធានអធិការកិច្ច នៃកងទ័ពសាធារណរដ្ឋហ្វីលីពីន និងក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដើម្បីចុះពិនិត្យជាក់ស្តែងអំពីស្ថានភាពតាមបណ្តោយព្រំដែនកម្ពុជា-ថៃ និងនៅក្នុងជំរំជនភៀសសឹក ស្ថិតនៅភូមិរង់ចាំ ខេត្តបន្ទាយមានជ័យ ។

គិតចាប់ពីឆ្នាំ២០២៣ ដល់ឆមាសទី១ ឆ្នាំ២០២៦ ហេតុការណ៍អគ្គិភ័យនៅទូទាំងប្រទេសបានកើតឡើងសរុប ៣.១០៣លើក។ ក្នុងនោះ កម្លាំងជំនាញនៃក្រសួងមហាផ្ទៃបានចេញអន្តរាគមន៍ទប់ស្កាត់មិនឱ្យឆេះរាលដាលក្លាយជាមហន្តរាយធ្ងន់ធ្ងរបានចំនួន ២.០៩៣លើក ខណៈ ១.០១០លើកទៀត ត្រូវបានអាជ្ញាធរមូលដ្ឋាន និងក្រុមពន្លត់អគ្គិភ័យ សហការជាមួយប្រជាពលរដ្ឋរួមគ្នាពន្លត់អគ្គិភ័យបឋមបានទាន់ពេលវេលា។