ព័ត៌មានតាមបណ្តារខេត្ត

(ប៉ៃលិន)៖ លោក គោស៊ុំ ប៊ុនសឿត អភិបាលរងនៃគណៈអភិបាលខេត្តប៉ៃលិន បានឱ្យដឹងពេលថ្មីៗថា រដ្ឋបាលខេត្តបានប្តេជ្ញាពង្រឹងគុណភាពសេវាសាធារណៈ និងជំរុញការប្រើប្រាស់ប្រព័ន្ធឌីជីថល ដើម្បីបម្រើប្រជាពលរដ្ឋឱ្យកាន់តែលឿនរហ័ស មានប្រសិទ្ធភាព និងគណនេយ្យភាព។ លោក គោស៊ុ ប៊ុនសឿត អភិបាលរងនៃគណៈអភិបាលខេត្តប៉ៃលិនបានគូសបញ្ជាក់ថា រដ្ឋបាលខេត្តកំពុងយកចិត្តទុកដាក់យ៉ាងខ្លាំងលើការពង្រីក និងលើកកម្ពស់គុណភាពសេវាសាធារណៈជូនប្រជាពលរដ្ឋ ។ទោះបីជាការផ្តល់សេវាកន្លងមកទទួលបានលទ្ធផលល្អប្រសើរក៏ដោយ ក៏នៅតែមានបញ្ហា ប្រឈមមួយចំនួនដែលថ្នាក់ដឹកនាំខេត្តត្រូវបន្តដោះស្រាយជាលំដាប់។

ខេត្តប៉ៃលិន៖ នាព្រឹកថ្ងៃទី១០ ខែតុលា ឆ្នាំ២០២៦ ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន និងលោកជំទាវ ស្វាយ ដួងកែវ បានអញ្ជើញនាំយកចង្ហាន់ ទេយ្យទាន និងបច្ច័យ ទៅវេរប្រគេនព្រះសង្ឃ ក្នុងវត្តស្រង់មានជ័យ ស្ថិតក្នុងភូមិភ្នំស្រង់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ក្នុងឱកាសនៃពិធីបុណ្យកាន់បិណ្ឌ វេនទី១៤។

(ប៉ៃលិន)៖ បើយោងតាមរបាយការណ៍របស់លោក គោស៊ុំ ប៊ុនសឿត អភិបាលរងនៃគណៈអភិបាលខេត្តប៉ៃលិន បានឱ្យដឹងនាពេលថ្មីៗនេះថា៖ អង្គភាពច្រកចេញចូលតែមួយ របស់រដ្ឋបាលខេត្តប៉ៃលិន នៅក្នុងឆមាសទី១ ឆ្នាំ២០២៦ បានផ្តល់សេវាសាធារណៈ ជូនប្រជាពលរដ្ឋ បានសរុបចំនួន ១៤,៥៨៥ សេវា។ លោក គោស៊ុំ ប៊ុនសឿត អភិបាលរងនៃគណៈអភិបាលខេត្តប៉ៃលិន បានប្រសាសន៍ថា ការកើនឡើង និងដំណើរការទៅមុខដោយរលូននេះ គឺដោយសារការ ប្រមូលផ្តុំសេវារដ្ឋបាលសំខាន់ៗ មកទីតាំងតែមួយ ដែលក្នុងនោះមាន ១២ សេវាពីបណ្តាមន្ទីរ-ស្ថាប័នពាក់ព័ន្ធ (តាមរយៈប្រតិភូកម្ម)និង២ សេវារបស់រដ្ឋបាល ខេត្តផ្ទាល់។

ខេត្តប៉ៃលិន៖ ក្នុងឱកាស នៃពិធីបុណ្យភ្ជំបិណ្ឌប្រពៃណីជាតិខ្មែរ កាលពីថ្ងៃទី១១ ខែតុលា ឆ្នាំ២០២៦ កន្លងទៅនេះ ឯកឧត្តម ទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន បានអញ្ជើញដឹកនាំគណៈប្រតិភូថ្នាក់ដឹកនាំ រួមមាន ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន និងឯកឧត្តម ជា ចាន់ឌិន ប្រធានក្រុមប្រឹក្សាខេត្តប៉ៃលិន នាំយកទេយ្យទាន និងបច្ច័យ ទៅប្រគេនដល់ព្រះសង្ឃ ក្នុងទីអារាមចំនួនបី គឺវត្តពោធិមារាម ហៅវត្តប៉ាហ៊ី, វត្តរតនសោភ័ណ ហៅវត្តកោងកាង និងវត្តគិរីរតនារាម ភ្នំយ៉ាត។

ខេត្តប៉ៃលិន៖ នាព្រឹកថ្ងៃទី១១ ខែតុលា ឆ្នាំ២០២៦ ឯកឧត្តម សោ សុវណ្ណ អភិបាលរងខេត្តប៉ៃលិន ព្រមទាំងក្រុមគ្រួសារត្រកូល «សោ» ទាំងអស់ និងលោកគ្រូឧទ្ទេសាចារ្យ ប៉ូ ពិសិទ្ធ ដែលរស់នៅសហរដ្ឋអាមេរិក បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបុណ្យភ្ជំបិណ្ឌ ប្រពៃណីជាតិខ្មែរ នៅវត្តពោធិមារាម ហៅវត្តប៉ាហ៊ី ស្ថិតក្នុងភូមិប៉ាហ៊ី សង្កាត់ប៉ៃលិន ក្រុងប៉ៃលិន ខេត្តប៉ៃលិន។

ប៉ៃលិន៖ នៅព្រឹកថ្ងៃទី១៣ ខែតុលា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញសំណេះសំណាល និងជូនដំណើរបងប្អូនប្រជាពលរដ្ឋ ត្រឡប់ទៅធ្វើការវិញ បន្ទាប់ពីបានមកលេងស្រុកកំណើត ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ និងថ្លែងអំណរគុណដល់រាជរដ្ឋាភិបាល ចំពោះកម្មវិធីជិះរថយន្តក្រុងដោយមិនបង់ប្រាក់ របស់រដ្ឋាករស្វយ័តដឹកជញ្ជូនសាធារណៈរថយន្តក្រុង City Bus រាជធានីភ្នំពេញ។

(ប៉ៃលិន)៖ លោកឧត្តមសេនីយ៍ត្រី ជូ សារុន នាយសេនាធិការរង និងជាប្រធានក្រុមការងារទី២ កងរាជអាវុធហត្ថលើផ្ទៃប្រទេស បានដឹកនាំប្រតិភូចុះត្រួតពិនិត្យស្ថានភាពជាក់ស្ដែងលើកម្លាំងយោធិន ទីតាំង និងសម្ភារៈប្រើប្រាស់នានា នៅតាមមូលដ្ឋានកងរាជអាវុធហត្ថក្រុង-ស្រុកទាំងពីរ ក្នុងខេត្តប៉ៃលិន ដើម្បីត្រៀមលក្ខណៈអនុវត្តច្បាប់កាតព្វកិច្ចយោធារបស់រាជរដ្ឋាភិបាល នាព្រឹកថ្ងៃទី១១ ខែតុលា ឆ្នាំ២០២៦ នៅបញ្ជាការដ្ឋានកងរាជអាវុធហត្ថខេត្តប៉ៃលិន។

(ប៉ៃលិន)៖ រដ្ឋបាលសង្កាត់ទួលល្វា ដឹកនាំដោយលោកស្រី ទន់ ស៊ីម៉េន ចៅសង្កាត់ទួលល្វា បានដឹកនាំមន្ត្រីក្រោមឱវាទ ព្រមទាំងកម្លាំងប្រជាពលរដ្ឋក្នុងមូលដ្ឋាន ចុះធ្វើសកម្មភាពបាញ់ទឹកលាងសម្អាត និងរៀបចំអនាម័យបរិស្ថាននៅជុំវិញតំបន់រង្វង់មូលព្រះវិស្ណុដៃប្រាំបី ស្ថិតក្នុងភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន កាលពីថ្ងៃទី១០ ខែតុលា ឆ្នាំ២០២៦។

(ប៉ៃលិន)៖ លោកឧត្តមសេនីយ៍ទោ សេង សុគន្ធ ស្នងការនៃស្នងការដ្ឋាននគរបាលខេត្តប៉ៃលិន អមដំណើរដោយលោក-លោកស្រីស្នងការរង និងមន្ត្រីក្រោមឱវាទ បានអញ្ជើញនាំយកចង្ហាន់ ទេយ្យទាន និងបច្ច័យ ទៅវេរប្រគេនដល់ព្រះសង្ឃដែលគង់ចាំព្រះវស្សានៅតាមវត្តអារាមចំនួន ៧វត្ត ក្នុងខេត្តប៉ៃលិន នាព្រឹកថ្ងៃសៅរ៍ ១៤រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែតុលា ឆ្នាំ២០២៦។

(ប៉ៃលិន)៖ កម្លាំងនៃស្នងការដ្ឋាននគរបាលខេត្តប៉ៃលិន បានបន្តចុះល្បាត និងដាក់ពង្រាយកម្លាំងឈរជើងយ៉ាងសកម្ម ដើម្បីការពារសន្តិសុខ សណ្តាប់ធ្នាប់សាធារណៈ និងសម្រួលចរាចរណ៍នៅតាមគោលដៅសំខាន់ៗទូទាំងខេត្ត ក្នុងឱកាសពិធីបុណ្យភ្ជុំបិណ្ឌ នាថ្ងៃសៅរ៍ ១៤រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែតុលា ឆ្នាំ២០២៦។

(ប៉ៃលិន)៖ ដើម្បីលើកកម្ពស់អនាម័យ បរិស្ថាន និងកែលម្អសោភ័ណភាពក្រុង ឱ្យកាន់តែមានភាពស្រស់ស្អាត រដ្ឋបាលសង្កាត់ទួលល្វា បានសហការយ៉ាងជិតស្និទ្ធ ជាមួយបុគ្គលិកអនាម័យក្រុងប៉ៃលិន ដឹកនាំដោយលោក លឹម វណ្ណា អភិបាលរងក្រុងប៉ៃលិន និងជាអនុប្រធានសហភាពសហព័ន្ធយុវជនកម្ពុជា (ស.ស.យ.ក) ក្រុង ព្រមទាំងមានការចូលរួមពីសំណាក់យុវជន ស.ស.យ.ក មូលដ្ឋានសង្កាត់ប៉ៃលិន និងសង្កាត់ទួលល្វា មេភូមិ និងកម្លាំងប្រជាការពារភូមិ បានចុះយុទ្ធនាការរួមគ្នាធ្វើអនាម័យ និងប្រមូលរើសសំរាម នៅតាមបណ្តោយមាត់ស្ទឹងប៉ៃលិន។

(ប៉ៃលិន)៖នៅថ្ងៃសុក្រ ១២រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៩ ខែតុលា ឆ្នាំ២០២៦ វេលាម៉ោង១៥:០០នាទី ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន ជាអនុប្រធានប្រចាំការ និងជាប្រធានលេខាធិការដ្ឋាន បានចាត់ឲ្យ លោកឧត្តមសេនីយ៍ត្រី អ៊ុក ម៉ាប់ ស្នងការរងទទួលផែនការងារធនធានមនុស្ស នាំយកថវិកាបេឡាមរណៈសង្រ្គោះចំនួន ១២,០០០,០០០៛ (ដប់ពីលានរៀលគត់) ទៅប្រគល់ជូនគ្រួសារសពសមាជិកអតីតយុទ្ធជនចំនួន៣គ្រួសារ ដឹកនាំដោយ លោក រស់ នឿន និងលោកស្រី ជា ដាណែត អភិបាលរងខេត្ត តំណាងដ៏ខ្ពង់ខ្ពស់ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងជាប្រធានសមាគមអតីតយុទ្ធជន និងនិវត្តជនកម្ពុជាខេត្ត។