ព័ត៌មានតាមបណ្តារខេត្ត

ចាប់ពីថ្ងៃទី១៤ ដល់ថ្ងៃទី ១៨ ខែតុលា ឆ្នាំ ២០២៦ គណៈកម្មការផ្សះផ្សាក្រោមអនុសញ្ញាអង្គការ សហប្រជាជាតិស្តីពីនីតិសមុទ្រ បានរៀបចំកិច្ចប្រជុំលើកទី២ ជាមួយភាគីកម្ពុជា និងថៃ នៅទីក្រុងឡាអេ ប្រទេសហូឡង់។ ក្នុងអំឡុងពេលនោះ ភាគីទាំងពីរបានឈានដល់ការឯកភាពគ្នាលើវិធានការកសាងទំនុកចិត្ត ដែលមានគោលបំណងជំរុញទំនុកចិត្ត និងភាពជឿជាក់ទៅវិញទៅមក និងសម្រួលដល់ដំណោះស្រាយដោយ សមហេតុផល និងដោយមិត្តភាព ស្របតាមច្បាប់អន្តរជាតិ។

ប៉ៃលិន៖ រសៀល ថ្ងៃទី១៨ ខែតុលា ឆ្នាំ២០២៦ លោក រស់ នឿន អនុប្រធានក្រុមការងារចុះជួយសង្កាត់ និងជាប្រធានក្រុមការងារចុះជួយភូមិអូរច្រាកណ្ដាល បានដឹកនាំសហការីអញ្ជើញចុះសួរសុខទុក្ខដោយផ្ទាល់ដល់លំនៅឋានសមាជិកបក្សដែលមានជំងឺប្រចាំកាយ ដើម្បីបង្ហាញពីការយកចិត្តទុកដាក់ និងភាពកក់ក្តៅពីសំណាក់ថ្នាក់ដឹកនាំ។

ប៉ៃលិន៖ នាព្រឹកថ្ងៃទី១៨ ខែតុលា ឆ្នាំ២០២៦ ឯកឧត្តម អ៊ី ហឿន អនុប្រធានក្រុមការងារចុះមូលដ្ឋានសង្កាត់ទួលល្វា និងជាប្រធានក្រុមការងារចុះជួយភូមិអូរតាពុកក្រោម បានដឹកនាំកិច្ចប្រជុំណែនាំ និងជំរុញការងារសំខាន់ៗមួយចំនួន ដល់ថ្នាក់ដឹកនាំ និងកម្លាំងមូលដ្ឋានភូមិអូរតាពុកក្រោម សង្កាត់ទួលល្វា ក្រុងប៉ៃលិន។

ប៉ៃលិន៖ នាព្រឹកថ្ងៃទី១៨ ខែតុលា ឆ្នាំ២០២៦ វេលាម៉ោង ០៨:០០នាទី លោកឧត្តមសេនីយ៍ទោ សេង សុគន្ធ ស្នងការនៃស្នងការដ្ឋាននគរបាលខេត្តប៉ៃលិន បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងាររក្សាសន្តិសុខ សណ្តាប់ធ្នាប់សង្គម ប្រចាំខែតុលា និងលើកទិសដៅអនុវត្តបន្តសម្រាប់ខែវិច្ឆិកា ឆ្នាំ២០២៦ នៅស្នងការដ្ឋាននគរបាលខេត្ត ស្របតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ។ ពិធីនេះមានការចូលរួមពីលោក-លោកស្រីស្នងការរង នាយការិយាល័យ អធិការក្រុង-ស្រុក មេបញ្ជាការវរសេនាតូចការពារព្រំដែនគោកលេខ៨២១ និងនាយប៉ុស្តិ៍នគរបាលរដ្ឋបាលទាំង ៨ ឃុំ/សង្កាត់។

ប៉ៃលិន៖ ចាប់ពីរសៀលថ្ងៃទី១៦ ដល់ថ្ងៃទី១៨ ខែតុលា ឆ្នាំ២០២៦ លោក ឧត្ដមសេនីយ៍ត្រី ឆាយ សួគ៌ា ស្នងការរង នៃស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស និងជាប្រធានក្រុមការងារទី២ នៃអនុគណៈកម្មការជ្រើសរើសយោធិន ព្រមទាំងលោក ឧត្ដមសេនីយ៍ត្រី កែវ សុផល មេបញ្ជាការ កងរាជអាវុធហត្ថខេត្តប៉ៃលិន បានដឹកនាំក្រុមការងារ ចុះត្រួតពិនិត្យលក្ខណៈសម្បត្តិ និងរៀបចំការប្រឡងធ្វើតេស្តសមត្ថភាព ដល់បេក្ខជនដែលបានដាក់ពាក្យប្រឡងចូលបម្រើការងារ ក្នុងក្របខ័ណ្ឌកងរាជអាវុធហត្ថ នៅទីបញ្ជាការដ្ឋានកងរាជអាវុធហត្ថខេត្តប៉ៃលិន។

បទយកការណ៍៖ សេចក្តីត្រេកអររបស់ប្រជាពលរដ្ឋភូមិអូរច្រាកណ្តាល ចំពោះសមិទ្ធផលរង្វង់មូលព្រះវិស្ណុដៃប្រាំបី ដែលជួយកាត់បន្ថយគ្រោះថ្នាក់ចរាចរណ៍ និងលើកកម្ពស់សោភ័ណភាពក្រុងប៉ៃលិន។

(ប៉ៃលិន)៖ កាលពីថ្ងៃទី១៦ ខែតុលា ឆ្នាំ២០២៦ នៅសាលប្រជុំភ្នំខៀវ នៃមន្ទីរបរិស្ថានខេត្តប៉ៃលិន មានរៀបចំសិក្ខាសាលាពិគ្រោះយោបល់ និងតម្រង់ទិស ស្តីពីការជ្រើសរើសសិក្ខាកាមសម្រាប់ចូលរួមវគ្គបណ្តុះបណ្តាល «បដិសណ្ឋារកិច្ចបៃតង (ហូកាបៃតង)» ព្រមទាំងការជ្រើសរើសបេក្ខភាពសហគ្រាស ដើម្បីចូលរួមប្រឡងប្រណាំងពានរង្វាន់សហគ្រាសបៃតង។ អង្គសិក្ខាសាលានេះស្ថិតក្រោមអធិបតីភាព លោក មុត ពិសិដ្ឋនា អភិបាលរងខេត្តប៉ៃលិន មន្រ្តីជំនាញពាក់ព័ន្ធ តំណាងអង្គការដៃគូគម្រោងហូកាបៃតង អាជ្ញាធរក្រុង-ស្រុក ព្រមទាំងម្ចាស់អាជីវកម្ម និងតំណាងសហគ្រាសនានា ក្នុងមូលដ្ឋានខេត្តប៉ៃលិនជាច្រើនរូប។

(ប៉ៃលិន)៖ នារសៀលថ្ងៃ ទី១៦ ខែតុលា ឆ្នាំ២០២៦ លោកឧត្តមសេនីយ៍ទោ សេង សុគន្ធ ស្នងការនៃស្នងការដ្ឋាននគរបាលខេត្តប៉ៃលិន បានអញ្ជើញចូលរួមកិច្ចប្រជុំផ្សព្វផ្សាយមតិណែនាំដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងណែនាំតម្រង់ទិសអំពីការងារបុគ្គលិក តាមប្រព័ន្ធវីដេអូអនឡាញ (Zoom)។

បទយកការណ៍៖ សរសៃឈាមសេដ្ឋកិច្ចថ្មីៈ “ផ្លូវកៅស៊ូតភ្ជាប់ពីភូមិសំបូរ ទៅភូមិភ្នំព្រាល នាំមកនូវស្នាមញញឹម និងក្តីសង្ឃឹមដល់ប្រជាពលរដ្ឋស្រុកសាលាក្រៅ”

ការផ្លាស់ប្ដូរជាវិជ្ជមាន និងការយកចិត្តទុកដាក់ខ្ពស់របស់រដ្ឋបាលមូលដ្ឋាន ក្រោមការចង្អុលបង្ហាញពីថ្នាក់ដឹកនាំរដ្ឋបាលខេត្តប៉ៃលិន ដែលមានលោកជំទាវបណ្ឌិត បាន ស្រីមុំ ជាអភិបាលខេត្ត។ នាពេលបច្ចុប្បន្ន រដ្ឋបាលសង្កាត់អូរតាវ៉ៅ បាននឹងកំពុងដើរតួនាទីយ៉ាងសំខាន់ក្នុងការបម្រើសេចក្តីត្រូវការរបស់ប្រជាពលរដ្ឋយ៉ាងសកម្ម និងប្រកបដោយប្រសិទ្ធភាព។

ការអភិវឌ្ឍហេដ្ឋារចនាសម្ព័ន្ធផ្លូវថ្នល់ គឺជាសរសៃឈាមសេដ្ឋកិច្ចដ៏ចម្បងក្នុងការតភ្ជាប់ទំនាក់ទំនង រវាងទីប្រជុំជនទៅកាន់តំបន់ជនបទដាច់ស្រយាល។ ពីមុន ផ្លូវលំមួយខ្សែស្ថិតក្នុងភូមិអូរប្រឹស សង្កាត់អូរតាវ៉ៅ ធ្លាប់តែបង្កការលំបាកយ៉ាងខ្លាំង ដល់ការធ្វើដំណើរ ក៏ដូចជាការដឹកជញ្ជូនកសិផលផ្សេងៗ។ ប៉ុន្តែពេលនេះ ភាពលំបាកវេទនាទាំងនោះត្រូវបានជំនួសមកវិញនូវដងផ្លូវបេតុងដ៏រឹងមាំ ដែលកំពុងនាំមកនូវភាពងាយស្រួល និងក្ដីសង្ឃឹមថ្មីយ៉ាងកក់ក្ដៅជូនបងប្អូនប្រជាពលរដ្ឋ។

ប៉ៃលិន៖ នៅថ្ងៃទី១៦ ខែតុលា ឆ្នាំ២០២៦ លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន រួមជាមួយមន្ត្រីជំនាញពាក់ព័ន្ធ បានចុះពិនិត្យស្ថានភាពផលប៉ះពាល់ដំណាំកសិកម្មរបស់ប្រជាកសិករចំនួន ៦គ្រួសារ នៅសង្កាត់ទួលល្វា ក្រុងប៉ៃលិន ខេត្តប៉ៃលិន ដែលរងផលប៉ះពាល់ដោយសារជំនន់ទឹកភ្លៀង។