ព័ត៌មានតាមបណ្តារខេត្ត

ខេត្តបាត់ដំបង៖ វគ្គបណ្តុះបណ្តាលស្តីពី «ការចិញ្ចឹមកូនបែបវិជ្ជមាន អាហារូបត្ថម្ភ និងការលើកកម្ពស់ស្ត្រី» ត្រូវបានរៀបចំពិធីបើកជាផ្លូវការ នាព្រឹកថ្ងៃទី២២ ខែតុលា ឆ្នាំ២០២៦ នៅសាលប្រជុំមន្ទីរកិច្ចការនារីខេត្តបាត់ដំបង ក្រោមអធិបតីភាព លោកស្រី អ៊ាន ណារៀង ប្រធានមន្ទីរកិច្ចការនារីខេត្តបាត់ដំបង។

បាត់ដំបង៖ឯកឧត្តម ប៉ាវ ហមផាន រដ្ឋលេខាធិការក្រសួងមហាផ្ទៃ និងជាប្រធានក្រុមការងារទទួលបន្ទុករួម បានអញ្ជើញជាអធិបតីក្នុងកិច្ចប្រជុំស្ដីពីការងារដឹកនាំគាំទ្រ តាមដាន និងជំរុញការផ្ដល់អត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀតជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទើបវិលត្រឡប់ពីប្រទេសថៃក្នុងភូមិសាស្រ្តខេត្តបាត់ដំបង។

ខេត្តបាត់ដំបង៖ ក្រោមការយកចិត្តទុកដាក់ខ្ពស់លើការគ្រប់គ្រងធនធានរ៉ែ និងការការពារបរិស្ថានតាមដងផ្លូវសាធារណៈ លោក លឹម ប៊ុនលី ប្រធានមន្ទីររ៉ែ និងថាមពលខេត្តបាត់ដំបង បានអះអាងថា មន្ទីរបានសហការយ៉ាងជិតស្និទ្ធជាមួយអាជ្ញាធរមូលដ្ឋាន ចុះត្រួតពិនិត្យដោយផ្ទាល់លើទីតាំងអាជីវកម្មអាចម៍ដី-រណ្តៅដីចល័តមួយកន្លែង ស្ថិតនៅភូមិស្តៅ ឃុំស្តៅ ស្រុករតនមណ្ឌល ខេត្តបាត់ដំបង កាលពីថ្ងៃទី២១ ខែតុលា ឆ្នាំ២០២៦ កន្លងទៅ។

សម្ដេចព្រះមហាអរិយវង្ស បណ្ឌិត យ៉ន សេងយៀត ព្រះអនុប្រធានលេខាធិការដ្ឋាន គណៈសង្ឃនាយក នៃព្រះរាជាណាចក្រកម្ពុជា និងជាតំណាងដ៏ខ្ពង់ខ្ពស់របស់សម្ដេចព្រះមហាសុមេធាធិបតី អំ លឹមហេង សម្ដេចព្រះសង្ឃនាយក នៃព្រះរាជាណាចក្រកម្ពុជា បាននិមន្តជាព្រះអធិបតីដ៏ខ្ពង់ខ្ពស់ក្នុងពិធីបុណ្យស្រោចស្រពសុគន្ធវារី ប្រគេនព្រះពុទ្ធរស្មី យឿម រដ្ឋសភា ព្រះរាជាគណៈកិត្តិយស និងជាព្រះអនុគណក្រុងបាត់ដំបង ព្រមទាំងព្រះអនុគណចំនួន ៥ ព្រះអង្គទៀត នៃក្រុងបាត់ដំបងដែលបានប្រព្រឹត្តទៅនៅថ្ងៃពុធ ១០ កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែតុលា ឆ្នាំ២០២៦ កន្លងទៅនេះ។

បាត់ដំបង៖ ស្របពេលដែលស្ថានភាពជំនន់ទឹកភ្លៀងបានស្រកចុះជាបណ្តើរៗ នៅថ្ងៃពុធ ១កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែតុលា ឆ្នាំ២០២៦ លោក យី សុងគី ប្រធានមន្ទីរអប់រំ យុវជន និងកីឡាខេត្តបាត់ដំបង រួមជាមួយសហការី បានអញ្ជើញចុះសួរសុខទុក្ខលោកគ្រូ អ្នកគ្រូ និងសហគមន៍សាលាបឋមសិក្សាបានណន់ ស្ថិតក្នុងស្រុកបាណន់ ខេត្តបាត់ដំបង ព្រមទាំងពិនិត្យស្ថានភាពផលប៉ះពាល់ដែលសាលារៀនបាន និងកំពុងទទួលរងដោយសារជំនន់ទឹកភ្លៀងនាពេលកន្លងមក។

បាត់ដំបង៖នៅថ្ងៃទី២១ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បាននាំយកអំណោយរបស់សប្បុរសជនផ្ដល់ជូនប្រជាពលរដ្ឋមានជីវភាពខ្វះខាតរងគ្រោះដោយជំនន់ទឹកភ្លៀងចំនួន២០០គ្រួសារនៅក្នុងសង្កាត់ទួលតាឯក ក្រុងបាត់ដំបង។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីព្រលែងកូនត្រីពូជ និងកូនបង្កងពូជ នៅចំណុចដងស្ទឹងសង្កែ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ដើម្បីធ្វើឱ្យស្ទឹងសង្កែសំបូរទៅដោយមច្ឆជាតិស​ម្រាប់បម្រើឱ្យសេចក្ដីត្រូវការហូបចុករបស់ប្រជាពលរដ្ឋក្នុងតំបន់។

បាត់ដំបង៖ ដើម្បីឆ្លើយតបនឹងតម្រូវការចាំបាច់ និងកាត់បន្ថយការលំបាករបស់ប្រជាពលរដ្ឋក្នុងរដូវវស្សា ក្រុមការងាររាជរដ្ឋាភិបាលចុះមូលដ្ឋានឃុំវត្តតាមិម បានចុះអនុវត្តសកម្មភាពកាយប្រឡាយ និងដំឡើងប្រព័ន្ធលូរំដោះទឹក នៅតំបន់ទីប្រជុំជនភូមិស្លក្រាម ឃុំវត្តតាមិម ស្រុកសង្កែ ខេត្តបាត់ដំបង។

បាត់ដំបង៖ លោក លឹម ប៊ុនលី ប្រធានមន្ទីររ៉ែ និងថាមពលខេត្តបាត់ដំបង បានឱ្យដឹងថា នៅថ្ងៃទី២០ ខែតុលា ឆ្នាំ២០២៦ ក្រុមការងារជំនាញនៃមន្ទីររ៉ែ និងថាមពល បានចុះត្រួតពិនិត្យ និងបង្ក្រាបទីតាំងអាជីវកម្មរ៉ែមាសខុសច្បាប់ចំនួន ២កន្លែង ដែលជាកម្មសិទ្ធិរបស់ឈ្មោះ ប៉ិល សង្ហា (ហៅ សីហា) ស្ថិតក្នុងភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង។

ក្រសួងធនធានទឹក និងឧតុនិយម បានចេញសេចក្ដីជូនដំណឹងអំពាវនាវដល់ប្រជាពលរដ្ឋទូទាំងខេត្ត ឱ្យមានការប្រុងប្រយ័ត្ន និងត្រៀមលក្ខណៈទុកជាមុនក្នុងការរក្សាទុកទឹកសម្រាប់ប្រើប្រាស់ប្រចាំថ្ងៃ និងវិស័យកសិកម្ម ខណៈដែលឥទ្ធិពលបាតុភូត El Niño ត្រូវបានព្យាករណ៍ថា អាចបន្តអូសបន្លាយរហូតដល់ខែកុម្ភៈ ឆ្នាំ២០២៧។

បាត់ដំបង៖ យោងតាមការណែនាំរបស់ឯកឧត្តម អភិបាលនៃគណៈអភិបាលខេត្តបាត់ដំបង ស្តីពីការចូលរួមសម្អាតលំនៅឋាន និងបរិស្ថានក្នុងមូលដ្ឋាន រដ្ឋបាលក្រុងបាត់ដំបង សូមអំពាវនាវដល់ម្ចាស់លំនៅឋាន ម្ចាស់ដីទំនេរ ម្ចាស់អាជីវកម្ម អាហារដ្ឋាន ភោជនីយដ្ឋាន ផ្ទះសំណាក់ សណ្ឋាគារ ក្រុមហ៊ុន សហគ្រាស មន្ទីរ-អង្គភាព គ្រឹះស្ថានអប់រំរដ្ឋ និងឯកជន វត្តអារាម ទីសក្ការបូជា ព្រមទាំងប្រជាពលរដ្ឋទាំងអស់ដែលរស់នៅក្នុងភូមិសាស្ត្រក្រុងបាត់ដំបង ចូលរួមធ្វើយុទ្ធនាការបោសសម្អាតភូមិឋាន។

បាត់ដំបង៖ ដើម្បីឆ្លើយតបទៅនឹងតម្រូវការប្រើប្រាស់ទឹកស្អាត និងលើកកម្ពស់សុខុមាលភាពរស់នៅរបស់ប្រជាពលរដ្ឋឱ្យកាន់តែប្រសើរឡើង ឯកឧត្តម អ៊ុត ក្លឹង អគ្គនាយករដ្ឋាករទឹកបាត់ដំបង រួមជាមួយមន្ត្រីជំនាញបច្ចេកទេសផ្នែកបណ្តាញ និងផ្គត់ផ្គង់ទឹកស្អាត បានចុះពិនិត្យ និងសិក្សាទីតាំងជាក់ស្តែង សម្រាប់រៀបចំគម្រោងតម្លើងបំពង់មេបញ្ជូនទឹកស្អាត ដើម្បីតភ្ជាប់ និងលក់ដុំទឹកស្អាតជូនប្រតិបត្តិករទឹកស្អាតឯកជន នៅថ្ងៃទី១៩ ខែតុលា ឆ្នាំ២០២៦។