បាត់ដំបង៖នៅរសៀលថ្ងៃទី២១ ខែតុលា ឆ្នាំ២០២៦មន្ទីរទេសចរណ៍ខេត្តបាត់ដំបង បានសហការជាមួយក្រសួងទេសចរណ៍រៀបចំកិច្ចប្រជុំស្តីពីការជំរុញផ្សព្វផ្សាយការងារសេដ្ឋកិច្ចក្រៅប្រព័ន្ធក្នុងវិស័យទេសចរណ៍ ក្រោមអធិបតីភាព លោកជំទាវ ហ៊ុន ដានី រដ្ឋលេខាធិការក្រសួងទេសចរណ៍ និងជាប្រធានក្រុមការងារអភិវឌ្ឍន៍សេដ្ឋកិច្ចក្រៅប្រព័ន្ធក្នុងវិស័យទេសចរណ៍ នៅសាលប្រជុំមន្ទីរទេសចរណ៍ខេត្តបាត់ដំបង។

បាត់ដំបង ៖ អនុប្រធានមន្ទីរទេសចរណ៍ខេត្តបាត់ដំបង លោក ហម អរុណ នៅព្រឹកថ្ងៃទី១៣ ខែតុលា ឆ្នាំ២០២៦នេះ បានផ្តល់ព័ត៌មានមកក្រុមការងារប្រចាំខេត្តបាត់ដំបង ដឹងយ៉ាងដូច្នេះថា ភ្ញៀវទេសចរជាតិ អន្តរជាតិ និងប្រជាពលរដ្ឋខ្មែរ ដែលបានមកទស្សនាកម្សាន្ត ក្នុងខេត្តបាត់ដំបង នាឱកាសពិធីបុណ្យភ្ជុំបិណ្ឌ រយៈពេល៣ថ្ងៃ ចាប់ពីថ្ងៃទី១០ ដល់១២ ខែតុលា ឆ្នាំ២០២៦ នេះ  សរុបទាំងអស់មានចំនួន ១០៤,៣៣២ នាក់ ក្នុងនោះភ្ញៀវជាតិមានចំនួន១០៣,៩៤០ នាក់ និងភ្ញៀវអន្តរជាតិមានចំនួន ៣៩២នាក់ ។

បាត់ដំបង៖ នៅព្រឹកថ្ងៃទី២៩ ខែកញ្ញា ឆ្នាំ២០២៦ នៅសាលប្រជុំមន្ទីរទេសចរណ៍ខេត្តបាត់ដំបងបានរៀបចំកិច្ចប្រជុំផ្សព្វផ្សាយស្តីពី “សុវត្ថិភាពកុមារក្នុងវិស័យទេសចរណ៍” ក្រោមអធិបតីភាពលោកជំទាវ ហួត ស៊ីនួន អនុរដ្ឋលេខាធិការក្រសួងទេសចរណ៍ និងជាអនុគណៈកម្មាធិការសុវត្ថិភាពកុមារក្នុងវិស័យទេសចរណ៍តំណាងដ៍ខ្ពង់ខ្ពស់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងលោក ឆាយ ម៉ាទីណាល់ អភិបាលរងនៃគណៈអភិបាលខេត្តបាត់ដំបងទទួលបន្ទុកទេសចរណ៍ ដោយមានការអញ្ជើញចូលរួមពីក្រុមការងារក្រសួងទេសចរណ៍, ថ្នាក់ដឹកនាំ និងមន្រ្តីរាជការមន្ទីរទេសចរណ៍ខេត្ត, មន្ត្រីរាជការតំណាងមន្ទីរ-អង្គភាព, នគរបាលទេសចរណ៍, យុវជន ស.ស.យ.ក ខេត្ត, និងប្រតិបត្តករទេសចរណ៍ក្នុងខេត្តបាត់ដំបង។

បាត់ដំបង៖លោក ហម អរុណ អនុប្រធានមន្ទីរទេសចរណ៍ខេត្តបាត់ដំបង ថ្លែងឱ្យដឹងថា សម្រាប់រយៈពេល១០ថ្ងៃនៃព្រឹត្តិការណ៍ពិព័រណ៍ផ្លែឈើខេត្តបាត់ដំបងឆ្នាំ២០២៦ ចាប់ពីថ្ងៃទី១០ ដល់ថ្ងៃទី១៩ ខែកក្កដា ឆ្នាំ២០២៦ មានប្រជាពលរដ្ឋ ភ្ញៀវទេសចរជាតិ និងអន្តរជាតិចូលរួមយ៉ាងច្រើនកុះករសរុបចំនួន៣០២,០២២នាក់។

បាត់ដំបង៖ ព្រឹត្តិការណ៍ផ្លែឈើបាត់ដំបង ឆ្នាំ២០២៦ ដែលរៀបចំឡើងរយៈពេល១០ថ្ងៃ បានទទួលជោគជ័យយ៉ាងខ្លាំង ដោយលក់ផ្លែឈើសរុបបានជិត៨០តោន និងទាក់ទាញប្រជាពលរដ្ឋ ព្រមទាំងភ្ញៀវទេសចរជាតិ និងអន្តរជាតិ ចូលរួមទស្សនាកម្សាន្តជាង៣០ម៉ឺននាក់។ ក្នុងចំណោមផ្លែឈើទាំងអស់ ផ្លែទុរេនបានឈរនៅលំដាប់លេខ១ ជាផ្លែឈើដែលលក់ដាច់ជាងគេ។

អ្នកស្រី ភាន ស្រីផៃ ម្ចាស់ចម្ការ តាជាសំឡូត សម្តែងអារម្មណ៍សប្បាយរីករាយ ក្រោយលក់ទុរេនអត់ជិត១០តោន ក្នុងព្រឹត្តិការណ៍ផ្លែឈើរយៈពេល១០ថ្ងៃ